GENOPRİL KOMBİ

GENOPRİL KOMBİ 5mq/25mq tabletlər

Barkod: 8699783011062

Təsiredici maddə: 1 tabletin tərkibində 5 mq Ramipril və 25 mq hidroxlorotiazid vardır.
Köməkçi maddələr: HPMC, prejelatinləşdirilmiş qarğıdalı nişastası, mikrokristallik sellüloza PH
102, natrium stearil fumarat

İstifadəsinə göstərişlər:

Birdən çox dərmanla müalicə edilməsi lazım gələn yüksək təzyiqin (hipertenziyanın) müalicəsi.

Əks göstərişlər:

Ramiprilə, hidroxlorotiazidə, digər tiazid diuretiklərinə, sulfonamidlərə və ya köməkçi maddələrdən hər hansı birinə qarşı yüksək həssaslıq.
Keçmişdə angionevrotik ödem baş vermişdirsə.
Böyrək funksiyalarının ağır pozğunluğu varsa ( hidroxlorotiazidin təsirindən yox),
Dializ xəstəsisinizsə ( hidroxlorotiazidin təsirindən yox),
Renal arteriyanın hemodinamik təsirli stenozu, böyrək arteriyalarının ikitərəfli stenozu və ya yeganə böyrək arteriayasının stenozu,
Ürəyin sol mədəciyində qan axınında əhəmiyyətli dərəcədə çətinlik varsa (məs.,; aorta və ya mitral qapağın stenozu ),
Əgər Sizdə müalicədən sonra pisləşə biləcək elektrolit pozğunluğu varsa (məsələn, hipokaliemiya, hiponatriemiya və ya hiperkalsiemiya),
Qaraciyərin ağır funksional pozğunluğu (maye və duz balansının pozulması riski),
Hamiləlik dövrü,
Laktasiya dövrü.

İstifadə qaydası və dozası:
GENOPRİL KOMBİ, oral qəbul üçündür, səhər yeməyindən əvvəl, yemək zamanı və ya yeməkdən
sonra çeynənilmədən kifayət qədər su ilə (1/2 stəkana yaxın) udulmalıdır.
Aşağıda göstərilən xüsusi vəziyyətlər istisna olmaqla bu dozadan istifadə edilir:

Gündəlik doza səhərlər birdəfəyə qəbul olunur.
Çox zaman gündə bir ədəd GENOPRİL KOMBİ 5 mq/ 25 mq tabletin qəbulundan sonra qan təzyiqi
kifayət qədər aşağı düşür. Yol verilən maksimum gündəlik doza 2 ədəd GENOPRİL KOMBİ 5 mq/
25 mq tablet.

Saxlanma şəraiti:
25°C-dən aşağı otaq temperaturunda, orijinal qutusunda və uşaqların əli çatmayan yerdə
saxlamaq lazımdır. Resept əsasında buraxılır.
İçlik vərəqindən daha geniş məlumatlar əldə edə bilərsiniz.